Heilabrot 27.03.

123456789

 Setjið inn tvo mínusa (-) og einn plús (+) þannig að tölurnar geri samanlagt 100

Tvífarar

Logi Bergmann og Glen Quagmire. Anyone?

Heilabrot 22.03.2007

4	5	6	7	8	9
61	52	63	94	46	??

 

Hver er næsta tala?

Heilabrot 19.03.2007

Þú hefur í höndunum níu stykki af 1 kg. lóðum. Vitað er að eitt af þessum lóðum er gallað og er aðeins léttara en hin. Þitt verkefni er að finna út hvert þessara lóða er léttara en hin og til þess hefurðu vogarskál og mátt nota hana einungis tvisvar sinnum. Hvernig er það hægt?

Takk fyrir mig!

Þakka öllum fyrir gleðistundir á laugardaginn er ég hélt upp á nýliðið þrítugsafmæli. Ég skemmti mér virkilega vel og gaman að sjá öll þessi andlit sem og gömul og óvænt andlit (Árni þú ert flottur!). Einnig þakka ég fyrir gjafir ... flestar koma að góðum notum í sumar. Aðrar fá ?! svosem "the girls never came....the girls never came!!!".

 Svo er nú rétt að documentera úrslitin í afmælismótinu. Tíu manns mættu til leiks og var teflt allir við alla. Rétt er að áminna Sigurbjörn Björnsson og Rúnar Berg fyrir að virða ekki afmælisreglur og actually að vinna afmælisbarnið!

1. Ingvar Þór Jóhannesson 6,5 af 9

2. Sigurður Daði Sigfússon  6,5 af 9  (tapaði innbyrðisviðureign á afmælisreglunni og hefði samt verið úrskurðaður í öðru sæti skv. afmælisreglum!) Daði fékk þó forláta páskaegg fyrir 1-2. sætið.

3-4. Bragi Þorfinnsson og Stefán Kristjánsson 6 af 9. (fá báðir prik fyrir að virða afmælisreglur og eins Bragi fyrir að tapa fyrir Daða í síðustu...very nice)

aðrir fengu minna en vert að minnast á:

10. Stefán Freyr Guðmundsson 1,5 af 9

sem gerði það að verkum að hann hlaut Páll Sigurðsson-verðlaunin fyrir neðsta sætið, forláta pulsupakka.

 

Í öðrum greinum var ekki keppt að þessu sinni en Róbert Harðarsson fær honorary mention fyrir að reyna að stofna til glímukeppni og sumo keppni skákmanna. Rúnar Berg vann krumlukeppnina en varð að lúta í lægri haldi í snjókastkeppni við Stefán Frey. Stefán vann örugglega með vinstri en talað var um dómaraskandal í úrskurð á köst með hægri hendi.

Heilabrot dagsins 15.03.2007

 Heilabrot dagsins að þessu sinni eru tvö.

#1

Gefin er eftirfarandi talnaruna.

8-5-4-9-1-7-6-3-2-0

Þessi runa er eftir fyrirfram ákveðinni röð, hver er hún?

 

#2

77-49-36-18- ?

Hver er næsta tala í þessari runu?

Heilabrot dagsins

Fyrir 2 dögum var ég 54 ára. Á næsta ári verð ég 57 ára.

Útskýrið hvernig þetta væri hægt!

Blóðmjólkun - Boltinn í dag!

Bara smá pæling. Var að ræða þetta við félaga um helgina. Við fórum á leik Rangers og Osasuna í Evrópukeppninni meðan við vorum staddir út í Glasgow. Leikurinn fór fram á fimmutdeginum. Í stuttu máli voru Rangers stórkostlega heppnir að ná 1-1 á heimavelli og klassamunurinn mikill á liðunum. Við fórum því að ræða seinni leikinn. Ég hélt hann væri aftur á fimmtudegi....NEI. Nú eru helmingur leikjanna í UEFA Cup í dag miðvikudag og seinni helmingurinn á fimmtudag. Af hverju? Jú það er verið að blóðmjólka alla leikadaga vegna sjónvarps til að fá meiri pening í kassann. Sama er á teningnum í flestum deildum. England spilar laugardag/sunnudag/mánudag og yfirleitt eru lágmark 2 og yfirleitt 3 kick-off tímar á lau- og sunnudögum. Bara smá dæmi um hvað boltinn snýst svakalega um peninga. Nú er ég ekki beint að kvarta yfir þessu, maður nýtur þess auðvitað að sjá sem flesta leiki. Þetta er einfaldlega pæling á hvernig þessu er öðruvísi farið í nútímanum en áður var.

 Annar punktur í þessari blóðmjólkunarpælingu eru búningar liða. Nú er það orðið svo að liðin skipta um búninga nánast á hverju seasoni og flest lið eru komin með 2-3 varaliðsbúninga. Allt er þetta gert til að auka búningasölu sem mest má. Svo eru meira að segja dæmi um að lið noti sérstaka búninga t.d. í meistaradeild o.fl.  Gallharðir stuðningsmenn verða svo að kaupa alla búningana og sumir meira að segja þola ekki að eiga sama búning en árið eftir er komin önnur auglýsing framaná búninginn. "Money money money money........MONEY" Eins og O'Jays sungu um árið summerar þessar pælingar mínar upp.

Þrítugur og bloggleti

Jæja...nú er maður orðinn þrítugur! Þetta er allt downhill from here eins og maðurinn sagði ;-)

 Hélt upp á afmælið í gær með mínum nánustu solid súkkulaðikaka og jobba...svo fékk ég mér reyndar álíka mikið af brauðtertu svona til að standa betur undir aldrinum! Allavega notalegur dagur með systkinum og foreldrum og Stebbu og alltaf gaman að sjá litlu frænku sem gefur manni alltaf svo mikið :-)

Ég stefni svo á gott partý 17. mars til að halda uppá afmælið góða! Bið menn að taka þá dagsetningu frá! Ástæðan fyrir þessari dagsetningu er a) þetta verður að vera um helgi og b) aðrar dagsetningar voru ekki mögulegar.  Síðasta helgi var Íslandsmót Skákfélaga og lokahóf þar. Urðum að sjálfsögðu Íslandsmeistarar þar :-)   Núna um næstu helgi er svo helgarferð á dagskrá til Glasgow þannig að aðeins 17. stendur til boða!

Svo bið ég aðdáendur afsökunar á almennri bloggleti. Ég lá í flensu í 1,5 viku og er rétt að jafna mig á því og svo klúðruðu mbl menn eitthvað lykilorðum og ég nennti ekki að fletta alltaf í tölvupóstinum eftir lykilorði á borð við H94cwl2 til þess að skrifa einhverja netta bloggfærslu. En ég fann hvernig á að breyta lykilorðinu núna þannig að sú leti stendur til bóta!

Við þetta má bæta að það stefndi jafnvel í enn betri afmælisdag í gær en síðustu mínútur í West Ham-Tottenham komu í veg fyrir það. Þetta var greinilega síðasti séns til að ná upp stemmningu til að reyna að bjarga sér frá fali en eftir þennan leik er liðið einfaldlega fallið. Það dettur einfaldlega ekkert með liðinu. Þeir fá á sig mörk úr vafasömum vítum, vafasömum aukaspyrnum og svo á 95. mín þegar 4 mín er bætt við. Leikirnir við Fulham og Newcastle koma einnig upp í hugann. Þetta er einhverskonar andhverfa við meistaraheppni og kann ég ekki gott orð til að lýsa því. En svona er þetta...West Ham er fallið....I resign.