Lenti í þessu, hehe

Lenti í nákvæmlega sama þegar ég var á ferðalagi í Búdapest fyrir einhverjum árum. "Slysuðumst" til að plata okkur í að setjast í einn bjór á einum af mörgum börum/strípibúllum. Það var hann Mario, "Mr. Fuck" eins og hann kallaði sig sem sá um það ;-)

Lítið var á staðnum og svo koma gellur að spjalla og jú viljið þið ekki bjóða okkur drykk....er alveg ódýrt sko! Þegar við ætluðum að fara kom svo reikningurinn við skulum ekkert vera að ræða hann. Allavega þá kom helmassaður dyravörður á við annan mann og okkur var boðið að fara út í hraðbanka til að borga skuldina. Semsagt við vorum bara rændir. Engin ótrúleg fjárhæð en samt pirrandi og svekkjandi. Reyndar hlóum við dátt þegar við hittum Englendinga sem voru í sama móti og við í Búdapest og þeir höfðu lent í nákvæmlega sama nema miklu hærri upphæð.

Einnig vorum við varaðir við sumum matsölustöðum sem reyna að smyrja eitthvað extra á reikninginn ef það er hægt og svo eru leigubílstjórarnir svæsnir og best að ferðast bara með underground og/eða trams ef því verður við komið. Leigubílstjórarnir eru iðulega með einhverja skrýtna taxta á okkur túristana og t.d. kostaði sama far á hótel dag frá degi nánast aldrei það sama. Versta var svo einn sem í myrki gaf okkur til baka og rauk svo í burtu strax og við vorum komnir út....ástæðan fyrir að honum lá svona á: Jú hann gaf okkur alveg rétt til baka, þ.e. yfir 4000 nema hvað að það voru tveir 2000 seðlar sem voru í rúmenskri mynt!! Að sjálfsögðu algjörlega verðlausri miðað við Fórinturnar.

Engu að síður er gaman að koma til Búdapest, falleg borg en engu að síður vísast að hafa þessi atriði í huga!

Reynt að svindla á ferðamönnum í Búdapest