Óvandaðar NBA fréttir trekk í trekk

Hvaða sigurgöngu? Er einn leikur í röð allt í einu orðinn sigurganga?  Lakers tapaði fyrir Golden State í LA en vann þá svo á heimavelli GS. Semsagt einn leikur var öll sigurgangan.

 Svo var önnur frétt um daginn þar sem Dallas átti að hafa tapað áttunda leiknum sínum í röð. Það var náttúrulega algjört kjaftæði. Hið rétta var að þeir höfðu nú tapað 8 leikjum gegn liðum með yfir 50% vinningshlutfall síðan Jason Kidd kom til liðsins. Ætti að vera nokkuð augljóst að lið með 6-4 í síðustu 10 leikjum hefur ekki tapað 8 leikjum í röð.

Charlotte stöðvaði sigurgöngu Lakers

Athugasemdir

[Karl Svavar (IP-tala skráð) 27.3.2008 kl. 09:50]

Ekki gleyma þessari frétt.. 

"Brandon Ray meiddist í leiknum og getur ekki leikið með Portland í einhvern tíma."

hann heytir Brandon Roy.. 

[Karl Svavar (IP-tala skráð) 27.3.2008 kl. 09:52]

og þessari:

"Dallas - LA Lakers 103:90

Lakers: Corey Maggette 21, Tim Thomas 13, Cuttino Mobley 11, Nick Fazekas 10, Brevin Knight 10, Smush Parker 8, Josh Powell 8, Al Thornton 7, Dan Dickau 2"

 get ekki betur séð að þetta sé LA Clippers en ekki LA Lakers..

[Marinó G. Njálsson, 27.3.2008 kl. 09:54]

Mikið er ég sammála þér í þessu.  Það er eins og menn grípi bara eina setningu á lofti og lesi ekki samhengið.  Það er þó ekkert í tengslum við þennan leik sem snýr að sigurgöngu.  Lakers er t.d. 5-5 í síðustu 10 leikjum.

Annars er keppnin í Vesturdeildinni ákaflega spennandi og margt bendir til þess að í fyrsta skipti í sögu deildarkeppninnar komist lið með yfir 60% vinningshlutfall ekki í úrslitakeppnina.  Á sama tíma er lið austan megin með 44% vinningshlutfall inni! og lið með 37% vinningshlutfall á ennþá möguleika á að komast í úrslitakeppnina. 

[Magnús V. Skúlason, 27.3.2008 kl. 10:24]

Ég hugsa að þeir vestan hafs sem vilja sjá bestu liðin komast áfram í úrslitakeppnina, óháð í hvaða deild þau séu, munu fá aukin byr miðað við þessa þróun!

Hinsvegar er ekkert sem afsakar lélegan fréttaflutning, vonandi að Mogga-menn taki sig saman í andlitinu með þetta því að mínu mati hefur íþróttafréttaflutningurinn hjá Mogganum verið framúrskarandi á flestum sviðum.