Birkir maður leiksins!

Náttúrulega bara skandall að Rutenka hjá Slóvenum hafi verið valinn maður leiksins. Hann var með 9 mörk úr hátt í 20 tilraunum. Birkir Ívar ver 24 skot og það sér það hver heilvita maður að það var hann sem réð úrslitum í þessum leik (og að sjálfsögðu Eradze líka með frábærri innkomu).

Svo verð ég líka að hrósa Loga í þessari keppni...hann var markahæstur okkar manna í dag og hefur iðulega hreðjar í að taka skot þegar sóknir eru að lenda í fjara út í leiktöf/vitleysu. Að auki var Alfreð skynsamur og dreifði vel álaginu sem er mikilvægt í svona leikjum og þegar svona langt er liðið á keppnina.

Svo verður maður að þakka íslenska liðinu fyrir að gefa manni þessar gleðistundir. Það er fátt jafn skemmtilegt að og að fylgjast með handboltalandsliðinu á stórmóti að standa sig vel. Það einhvern veginn hrífast allir með og mér er til efs að heilu og hálfu þjóðirnir fylkist svona á bak við land sitt í einhverri iþrótt fyrir utan knattspyrnu hjá stærstu löndunum í þeirri grein.

Frábær markvarsla tryggði Íslandi sigur á Slóveníu

Athugasemdir

[Snorri Bergz, 27.1.2007 kl. 20:19]

Amm, Birkir frábær, Roland líka, svo og Logi og Snorri Steinn. Þessir fjórir unnu fyrir okkur í dag...fyrst og fremst. Áfram Ísland

[Viðar Friðgeirsson, 27.1.2007 kl. 21:33]

Gleymið ekki Alexander, Drengurinn hefur verið  stórkostlegur í öllum leikjum okkar hingað til. Tel hann einhvern jafnbesta liðsmanninn til þessa, alltaf að og seiglast ótrúlega og gefst aldrei upp. Fylgist bara betur með honum í vörninni og sókninni í hægra horninu,. Einnig verður að nefna Óla sem að þessu sinni virðist  hafa leikið fyrir liðið í stað þess að láta liðið leika fyrir sig. Hingað til finnst mér að liðið hafi leikið sem öflug liðsheild og erfitt að þakka einum sigurinn eða kenna einum tapið. Frábær liðsheild hefur komið okkur þangað sem við erum komnir nú.

[Ingvar Þór Jóhannesson, 27.1.2007 kl. 21:39]

Já já gleymi alls ekki Alex og Guðjón Val. Þessir strákar standa alltaf fyrir sínu og maður tekur þá hreinlega for granted eins og maður segir. Hvað Alexander varðar þá var hann það góður í síðustu keppni að hann er ekki að koma manni neitt á óvart. Logi er hinsvegar að gera það þar sem þetta er fyrsta keppnin sem að hann spilar svona stóra rullu.  Ólafur virðist hinsvegar ekki ganga alveg heill til skógar, hugsa að öxlin sé að angra hann. Hann er ekki að reyna mikið af skotum og maður sér að skotin eru máttminni og hann er að beita sér öðruvísi.