X-bitinn bloggar

Ingvar Þór Jóhannesson

Ég er fæddur og uppalinn í Reykjavík. Flutti snemma í Vogahverfið og gekk í Langholtsskóla. Þaðan lá leiðin í Verzlunarskólann...good times...og síðan kláraði ég B.S. í Tölvunarfræði hjá H.Í. Starfa þessa stundina hjá Reiknistofu Bankanna að forrita í "græna slíminu".

Mestur er áhuginn á skákinni sem ég hef stundað mestalla ævi þó með hléum þegar það var meira kúl að vera kúl (semsagt framhaldsskólaárin). Hef svo óstjórnlega gaman af íþróttum og fylgist með með fótboltanum og svo hef ég mjög gaman af NBA. Nýjasta dellan er svo golfið sem er að yfirtaka algjörlega hjá manni sumrin.

Svo finnst mér ekki leiðinlegt að ferðast en flest ferðalögin mín hafa verið skákferðir. Hef komið til Svíþjóðar, Tékklands, Ungverjalands, Tyrklands, Ítalíu, Austurríkis, Gíbraltar, Frakklands, Danmerkur, Noregs, Grænlands, Bandaríkjanna og Þýskalands allt vegna skákiðkunar. Spánn og Portúgal bætist svo í söfnunina vegna sólarlandaferða. Vantar samt gríðarlega uppá til að skáka félaga mínum og fellow landasafnara, Birni Þorfinnssyni.